Cardo gagawing no.1 top grosser sa MMFF 2018 ng taong bayan (Coco at Vice pukpukan ang laban sa MMFF 2018)

As of presstime ay pukpukan ang banggaan sa takilya ng pelikulang “Jack Em Popoy: The Puliscredibles” ni Coco Martin kasama sina Bossing Vic Sotto at Maine Mendoza at ng “Fantastica” ni Vice Ganda with Dingdong Dantes and Richard Gutierrez.

Pero kung pagbabasehan ang reaction ng mga nakapanood ng Jack Em Popoy na pinupuri ang mga performance nina Coco, Maine, at Bossing Vic na swabe daw ang pagpapatawa, drama, action scenes, at may moral values ang film ay mukhang sa taong ito ay hindi imposibleng manguna sa festival si Coco, at gagawin talaga siyang number one bilang top grosser ng taong bayan na kinabibilangan ng kanyang mga supporter sa numero unong show sa bansa na “FPJ’s Ang Probinsyano.”

Palaban talaga ngayon si Coco at pantay na sila ng rami ng sinehan ni Vice at parehas din na sold-out ang kanilang mga screening. Well sana lang ay tanggapin ni Vice, sakaling malamangan siya ni Coco.

Samantala sa partial result ay kabilang sa 5 top grossing films ang Aurora ni Anne Curtis at Mary Marry Me na pinagbibidahan ng sisters in life na sina Alex at Toni Gonzaga.

Malakas din ang One Great Love ni Kim Chiu.

VONGGANG CHIKA!
ni Peter Ledesma