HATAW! D'yaryo ng Bayan hatawtabloid.com
PARA-PARAAN lang ang anumang bagay na gusto mong gawing disimulado, pero bigo ang isang aktor na hindi ipahalata sa mga reporter ang kanyang itinatagong lihim sa kanyang pribadong buhay.
Sariwa pa sa alaala ng mga reporter na ikinagulat ang presensiya ng actor sa departure area ng NAIA. Patungong Bangkok, Thailand ang grupo ng press samantalang sa Hongkong naman ang destinasyon ng ating bida.
Galante ang actor, impernes. Kaya naman nang maglambing ang mga reporter ay bumunot siya agad ng ilang piraso ng US dollars at ipinamudmod sa mga ito.
Ilang minuto na lang ay boarding time na. Nag-excuse na ang actor, pero lingid sa kanyang kaalaman ay sinundan siya ng tingin ng mga reporter.
‘Yun pala, lumapit ang actor sa natsitsismis na jowa niyang beauty queen. Yes, outside his marriage.
Para disimulado nga naman, naunang sumakay ng eroplano ang girlalu. One hour ang pagitan ng kanilang flight bound for the same destination.
Da who ang actor na kontrobersiyal ngayon? Itago na lang natin siya sa alyas na Bingbong Llamanzares.
(Ronnie Carrasco III)
