HATAW! D'yaryo ng Bayan hatawtabloid.com
DAHIL sa pagkapanalo ni Catriona Gray sa Miss Universe, tiyak na lalo pang tataas ang expectations ng sambayanang Filipino sa Binibining Pilipinas Charities, Inc. sa pagpi-field nito ng kakatawan sa bansa sa susunod na taon.
For sure, mas mabusisi pa ang screening process sa mga aplikante.
Bale pang-apat nang Miss Universe si Catriona mula sa ating bansa. Nauna sina Gloria Diaz, Margarita Moran, at Pia Alonzo Wurtzbach.
Even the international community will be all-eyes kung kanino isasalin o ire-relinquish ni Catriona ang kanyang korona.
Time was when na sa buong Asya ay umaalagwa ang pambato ng India. Sa mga Latina naman ay kinakabog ng Miss Venezuela ang kanyang mga kalaban.
Because of Catriona’s victory, mukhang dapat kabahan ang ibang Asyana’t Latina, isama na ang mga taga-Europa!
Nakikinita na namin ang matinding paghahanda ng BPCI led by Mrs. Stella Marquez-Araneta. Baka ngayon pa nga lang ay naghahanap na sila ng ilalaban sa MU to think the Catriona’s reign has just begun.
And what’s next nga ba for the newly crowned MU?
Tulad ng inaasahan, in no time ay papasukin na rin ni Cat ang showbiz. Dadagsain siya ng mga TV at film offer. At ang mas makikinabang siyempre rito’y ang ABS-CBN.
Sa apat na kinoronohang MU, tanging si Margie (now Mrs. Florendo) lang ang hindi nasilaw sa kaway ng showbiz. Nakagawa siya noon ng pelikulang Oh, Margie, Oh pero hindi na ‘yon nasundan.
Sa halip ay ibang career path ang kanyang tinahak. Kabaligtaran ito sa naging career pursuit ni Gloria na ipinakilala noon sa Ang Pinakamagang Hayop sa Balat ng Lupa.
Since then, nagtuloy-tuloy na ang showbiz career ni Gloria na aktibo pa rin ngayon via Pamilya Roces ng GMA.
Congratulations are in order para kay Catriona.
Sa panahong “sikat na sikat” ang Pilipinas sa mata ng ibang lahi in terms of the way government affairs are inefficiently run, ang tagumpay ni Cat ang nagsilbing pambawi.
Kabog!
HOT, AW!
ni Ronnie Carrasco III
