Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang kaibigan niyang si Rez Cortez.

Minsan lang niyang (Dovie) na-meet si Rez pero kahit na sa Canada na siya naka-based ay hindi nawala ang communication nila ng character actor. At very concern sa kanya si Rez na pinalalayo siya sa mga tao sa showbiz na matatamis ang dila at manloloko.

Hindi rin nakalilimutan ng actor, na batiin si Dovie sa nakaraang kaarawan. Ang wish, ngayon ni Dovie ay sana makasama raw niya ang kanyang Manoy Rez sa isang movie project.

Noon pa raw ay fan na siya nito at pinanonood niya ang mga pelikula ni Rez. Samantala sa kanyang official Facebook account, kinompirma na ni Dovie kung sino ang makakasama niya sa kanyang first produced na indie movie at sila ay sina Stanley Villanueva, Ian Monteverde, Eddie Letada, at Christian Gio.

Pinag-iisipan pa niya kung tama bang isama na niya sa gagawing movie ang kanyang good looking youngest son na si Elrey Binoe Lewth­waite.

VONGGANG CHIKA!
ni Peter Ledesma