HATAW! D'yaryo ng Bayan hatawtabloid.com
Number one talaga sa puso ng Eat Bulaga ang ating mga kababayan na gusto silang mapanood nang live sa kanilang bagong tahanan na APT Studio sa Marcos Highway, Cainta, Rizal.
Simula noong Sabado ay bukas na para sa lahat ng mga gustong maging bahagi ng studio audience ng longest-running noontime variety show. At dahil ang kapakanan ng Dabarkads ang main concern ng producer ng EB na Tape Incorporated, para hindi sila maligaw patungo sa studio ay nakipag-ugnayan ang kanilang staff sa kinauukulan at hayun presto may sariling signboard na ang Eat Bulaga sa mga jeepney na bumibiyahe mula Cubao hanggang Cogeo.
Siyempre hindi lang ang mga taga-Marikina, Cogeo, Antipolo ang type pumila sa APT Studio maging ang suki na ng Bulaga sa iba’t ibang lugar sa Quezon City ay gusto rin pumunta para hindi lang manood kundi masilayan din ang sinasabing world-class na bagong studio ng EB na pawang state of the art mula camera, ilaw, at mismong loob ng studio.
Kaya pasok na sa APT Studio at i-enjoy ang panonood sainyong favorite EB hosts na pinangungunahan nina Tito Sen, Bossing Vic Sotto,at Henyo Master Joey de Leon.
VONGGANG CHIKA!
ni Peter Ledesma
