HATAW! D'yaryo ng Bayan hatawtabloid.com
ANG newbie actress na si Shara Dizon ang isa sa tampok sa pelikulang Class of 2018 na mapapanood na sa November 7. Ito’y mula sa T-Rex Entertainment at pinagbibidahan nina Nash Aguas, Sharlene San Pedro, CJ Navato, Kristel Fulgar, at Kiray Celis. Ito ay isang teen horror-thriller ni Direk Charliebebs Gohetia.
Ang istorya nito ay nagsimula nang ang Section Zamora ay nagkaroon ng mysterious virus habang nasa field trip. Ang section nila na binubuo ng 24 students ay na-quarantine ng mga militar sa isang abandonadong facility.
Si Shara ay 19 years old at graduate ng Tourism sa UE Caloocan. Naging co-host din siya before sa Eat Bulaga nang masungkit niya ang 3rd Place bilang Ms. Milennial at itinuturing niyang isa ito sa pinaka-memorable na nangyari sa kanya sa showbiz.
Ano ang role niya sa Class of 2018? “Iyong role ko po rito is, ako po si Misha, ako po ‘yung isa sa mga mean girls, apat po kami. Tapos isa po ako sa mga mean girls. Opo bad ako rito, so after po ni Kiray, ako po ‘yung pinaka-mean. So kami po ni Ate Kiray ‘yung tandem talaga rito sa movie.”
Iyong mga audience ba, magtitilian kapag pinanood ang movie nyo? “Oo naman po, magtitilian po sa maraming bagay, magtitilian po kasi kinikilig din. ‘Yung ganoon po. So maraming times po for sure na ‘pag nanood ang isang tao, titili sa movie na ito,” nakangiting saad ni Shara.
Kasama rin sa casts ng Class of 2018 sina Yayo Aguila, Adrian Alandy, Dido dela Paz, Alex Medina, Sherry Lara, Michelle Vito, Ethan Salvador, Jomari Angeles, Kelvin Miranda, Nikki Gonzales, Lara Fortuna, Aga Arceo, Hanna Francisco, Justin de Guzman, Dylan Ray Talon, Micah Jackson, Jude Matthew Servilla, John Vic De Guzman, Yvette Sanchez, Jerom Canlas, at Noubikko Ray.
ALAM MO NA!
ni Nonie Nicasio
