HATAW! D'yaryo ng Bayan hatawtabloid.com
HINDI isinasailalim sa lifestyle check si Bureau of Customs (BoC) Collector V, Atty. Maria Lourdes Mangaoang.
Ito ang paglilinaw na ginawa ni Presidential Anti-Corruption Commission (PACC) Commissioner Manuelito Luna.
Aniya, “Just to clarify, BoC Collector V, Atty. Maria Lourdes Mangaoang, is not yet being subjected to a lifestyle check by PACC.”
Sinabi ng Commissioner, bilang bahagi ng proseso, ang hindi pa beripikadong reklamo ay daraan din sa validation procedure.
Sa kasalukuyan umano ay wala silang natatanggap na kopya ng nasabing reklamo.
Ani Luna, si Mangaoang ay resource person ng PACC sa hinihinalang P6.8-bilyong shabu smuggling sa BoC kaya dapat umanong maging maingat sila sa pagtanggap ng reklamo laban sa kanya.
Maaari umanong naglalayon itong sirain ang kanyang kredebilidad.
Matatandaan na maging ang Senate Blue Ribbon Committee ay si Mangaoang ang piniling witness.
