Wednesday , April 17 2024

Konsehal ng Pandi, Bulacan, nagpasoklolo kay LMP President Ambrosio Cruz

Konsehal ng Pandi, Bulacan, nagpasoklolo Micka Bautista
MAGKASAMANG humarap sa media sina LMP President Mayor Ambrosio Cruz at Pandi Councilor Cris Castro upang magpaliwanag tungkol sa sinasabing usapin ng anomalya sa Livelihood Assistance Grant (LAG) sa Pandi, Bulacan. (MICKA BAUTISTA)

UMAPELA ng tulong kay League of Municipalities in the Philippines (LMP) President Mayor Ambrosio Cruz si Konsehal Cris Castro ng Pandi, Bulacan kaugnay sa mapanirang paratang laban sa kanya sa usapin ng Livelihood Assistance Grant o LAG sa naturang bayan.

Ito ay matapos ang magkasunod na imbestigasyon ng Task Force LAG sa sinasabing anomalya o reklamo sa pagbawas ng halagang P5,000 hanggang P10,000 mula sa P15,000.

Una nang lumutang sa huling pag-iimbestiga ng Task Force LAG ang isang ‘alyas Madam’ na tumayong whistleblower, na nagsabing isang Konsehal Cris, ang humikayat sa mga nag­rereklamo na dumulog sa National Bureau of Investigation o (NBI)

Ngunit mariing pinabulaanan ni Castro ang paratang ng whistleblower, na aniya ay walang katoto­hanan ang isiniwalat sa Task Force LAG.

Aniya, lubhang mali­syoso at mapanirang-puri ang mga sinabi ni ‘alyas Madam’ kaya bunsod nito ay iminungkahi ni Castro, na dapat alamin ang katotohanan sa likod ng mga alegasayon dahil hindi naman ito usapin ng politika.

Tinukoy din ng konsehal na dapat alamin kung legal ang operasyon ng Magic-7 Cooperative, na sinasabing pinaglagakan ng pera ng nasa 15 benepisaryo na una nang nagreklamo.

Aniya, duda siya na magamit ang isyung ito upang dungisan at akusahan ang kanyang pangalan lalo’t papalapit na ang 2022 national and local elections.

Samantala, tiniyak ni Mayor Cruz, na morally ay suportado niya si Konehal Castro sa magiging hak­bang nito upang mapa­nagot ang mga nasa likod ng malisyosong akusa­syon.

Gayonman, sinabi ni Cruz, mahalagang hinta­yin muna ang isinasa­gawang imbestigasyon ng Presidential Anti- Corruption Commission o PACC at NBI sa naturang isyu.

(MICKA BAUTISTA)

About Micka Bautista

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

041724 Hataw Frontpage

Sa Digong-China gentlemen’s agreement  
‘CAUCUS’ SAGOT NI TESDAMAN
Sa hiling na imbestigasyon ni Hontiveros

ni NIÑO ACLAN WALA pang katiyakan dahil ayon kay Senate Majority Leader Joel Villanueva kanila …

SM scholar 1

Pursuing education despite the odds
These SM scholar alumi are now steps closer to their dreams

Queenie Alfonso (left) and Prince Mangahas (right) join the SM Scholars’ general assembly at SM …

Alfonso Brandy Feat

Alfie Alley Year 2 – The Ultimate Celebration of Street Culture, Art, Music and Drinks Returns with Alfonso Brandy

Manila, Philippines – With the echoes of last year’s resounding success still reverberating, Alfonso Brandy …