Bertiz naospital sa alta presyon

KAGAYA ng matataas na opisyal ng mga na­karaang admi-nistrasyon, ang ospital ay kanilang naging kanlungan sa panahon ng kagipitan sa politika.

Kahapon, ang kon­trobersiyal na ACTS-OFW party-list Rep. ay tumakbo rin sa ospital dahil sa pananakit ng dibdib. Ayon kay House Minority Leader at Quezon Rep. Danilo Suarez, si Bertiz ay na-confine sa St. Luke’s Medical Center.

Hindi umano naka­ka­tulog si Bertiz nang ilang gabi pagkatapos ng sunod-sunod na blunder.

Ayon kay COOP NATCCO party-list Rep. Anthony Bravo ang pa­nanakit ng dibdib ni Bertiz ay maaaring may kina­laman sa angioplasty na ginawa sa mambabatas noon pang 2016 para makaiwas sa heart attack.

Ayon kay House senior Deputy Minority Leader Lito Atienza tu­maas ang blood pressure ni Bertiz mula nang kontrobersiya sa airport.

“What is definite, Congressman Bertiz is suffering from hyper­tension and high blood pressure, talagang tumaas ang presyon [ng dugo],” ani Atienza.

Si Bertiz ay nabalot sa kontrobersiya mula nang inangasan niya ang isang security officer na sumita sa kanya nang hindi niya tinanggal ang kanyang sapatos sa security check area.

Nag-viral sa social media ang video ng nasabing insidente.

(GERRY BALDO)