HATAW! D'yaryo ng Bayan hatawtabloid.com
NAGBUNGA na ang mga sakripisyo at pagtitiyaga ng tandem nina Ryan Tamondong at Joel Mendoza, dahil ang Euro Pop champion ay isa na ngayong Star Music artist. Kaabang-abang ang self-titled debut album ni Ryan sa Star Music na inilunsad recently.
Sa album launching nito, marami ang humanga sa boses ni Ryan. May taglay na kakaibang charisma ang magandang tinig ng singer na mina-manage ng kanyang discoverer na si Joel. Nakatutuwa nga ang kuwento na sa ilalim ng hagdan ng Tanghalang Pasigueño nag-audition si Ryan kay Joel. At dahil sa ganda ng boses ng binata, hindi naman nagdalawang isip ang pamosong singer/songwriter para i-manage ang career ni Ryan.
Dating contestant si Ryan sa I Can See Your Voice ng ABS-CBN na nasungkit ang ikalawang puwesto sa isang episode ng nasabing mystery music game show. Ngayon may album na siya at kasalukuyang ipinakikilala ang kanyang PPop Love single na Haay Pag-ibig mula sa komposisyon ni Joel Mendoza.
Isang Conservatory of Music student sa University of Santo Tomas si Ryan na kasalukuyang tampok din sa “OPM Refreshed” ng Star Music YouTube channel.
Dito’y kabilang ang kanyang live version ng OPM classic na Sana Ay Ikaw Na Nga, ang Basil Valdez original mula sa komposisyon ni Cecile Azarcon Inocentes. Bahagi rin ang awitin ng five-track album ni Ryan ang Ikaw Ang Panaginip at Ako’y Minamahal Mo Pa Rin, na isinulat rin ni Joel, at ang Since You Went Away na mula naman sa komposisyon nina Joel at Vehnee Saturno.
Ang bagong Star Music talent ang kauna-unahang Asian na sumali at nagwagi sa Euro Pop Berliner Perle grand prix championship sa bansang Germany. Dahil sa pagkapanalo niya rito, siya rin ay itinanghal na International Achievement Awardee sa 29th Awit Awards.
Pakinggan at i-download ang mga awitin ni Ryan sa digital stores. Para sa karagdagang impormasyon, bisitahin ang starmusic.ph, i-like ang Star Music sa facebook.com/starmusicph, at sundan ito sa Twitter at Instagram @ StarMusicPH
ALAM MO NA!
ni Nonie Nicasio
