HATAW! D'yaryo ng Bayan hatawtabloid.com
MASAYA si Quinn Carillo sa mga nangyayari sa career ng grupo nilang Belladonnas. Ang grupong Belladonnas ay binubuo ng seven talented young girls na sina Chloe Sy, Rie Cervantes, Xie Fabricante, Jazzy Dimalanta, Phoebe Loseriaga, Tin Bermas, at siyempre, si Quinn.
Saad ng 20 year old na si Quinn, “Very happy naman po ako sa takbo ng career ko and ang isinaksak ko po sa utak ko is, no matter what the job is, I always do my best. Basta ako po ay grateful sa mga blessings na dumarating at sa mga opportunity na dumarating.”
Paano sila nag-start? May album na ba sila? “Nag-start po kami sa Circle of Ten po na pageants kasama sina Chloe, ako, Jazzy, Xie,” aniya. Dagdag pa ni Quinn, “We are working na on our album, right now we have two songs na na-record na po so far.”
Very soon din ay mapapanood si Quinn sa pelikulang Codep mula sa pamamahala ni Direk Neal Tan at prodyus ng 3:16 Productions ni Ms. Len Carillo. Kasama niya sa movie ang mga kapwa Belladonnas, Clique V at ilang veteran sa showbiz tulad nina Ronnie Lazaro, Ana Capri, Via Veloso, at Rosanna Roces.
“Iyong eksena namin ni Sir Ronnie, after niyon ay napapalakpak po talaga kami. Kasi habang nagsu-shoot, even pati iyong pagtilaok ng manok, ginamit niya para lang hindi masira ‘yung scene. Na talagang the show must go on… Grabe po si Sir Ronnie, marami akong natutuhan sa kanya.
“Even po kay Ms. Ana Capri, inalalayan din niya ako, sobrang tinulungan niya po ako. Ang role po ni Ms. Ana, nanay ko po siya sa movie. Nagpatulong po ako sa kanya sa lines kung paano ang atakeng gagawin ko. Then she helps me naman, doon sa scene namin together… kasi my moment nakakalimutan ko iyong blocking, ‘yung lines, kaya tinutulungan po ako ni Ms. Ana,” wika pa ni Quinn.
ALAM MO NA!
ni Nonie Nicasio
