HATAW! D'yaryo ng Bayan hatawtabloid.com
I’M SURE hindi pa rin nakakalimutan ng kaniyang male fans ang dating sexy actress-singer na si Julia Lopez na napanood noon sa sexy films na Bedtime Stories (2002), Sa Piling Ng Mga Belyas (2003), U Belt Student (2004) atbp.
At dahil maganda na, super flawless at may acting talent ay agad naagaw noon ni Julia ang atensiyon ng mga kalalakihan na pinagpapantasyahan siya. Marunong sa buhay si Julia kay noong panahong kumikita sa pag-aartista at pagso-show sa bansa at abroad ay puro ipon siya sa banko kaya maraming properties ang kanyang nabili kabilang ang townhouse sa Mandaluyong at SUV car.
Sa ngayon ay natagpuan na ng nasabing sexy star ang tunay na kaligayahan sa piling ng kanyang pinakasalang doctor sa San Francisco, California na si Dr. Halili, isang dentist at may dalawang pag-aaring dental clinic na kilala sa buong SanFo.
Nabiyayaan ang mag-asawa ng kambal na boy at girl na parehong nag-aaral na ngayon. Well, sanay na sa magarang lifestyle si Julia at sports car lang naman ang minamaneho niya ngayon tuwing papasok sa kanilang clinic at pagsundo sa kanilang kids.
Hindi pa rin naman niya nakakalimutang mag-share ng kanyang blessings lalo sa kanyang pamilya at ilang lumalapit sa kanya. “God is good all the time and always! Because Of Him my life is complete now,” sey ni Julia.
Naikuwento rin pala ni Julia nang amin siyang maka-chat nitong Miyerkoles lang na noong magbakasyon raw sa San Francisco si Ara Mina na nakasama niya noon sa isang movie ay sa kanila nag-stay at happy si Julia at pinuntahan siya ng kapwa actress at nagka-bonding sila nang husto.
VONGGANG CHIKA!
ni Peter Ledesma
