Putol na binti ng tao itinapon sa basurahan

ISANG putol na binti ng tao na nakalagay sa isang timba ang iniwan sa tumpok ng mga basura ng isang lalaking naka­suot ng face mask sa Caloocan City, kamaka­lawa ng hapon.

Inihayag ng street sweeper na si Inoy Abis, 28, kay  PO2 Aldrin Mati­ning, dakong 1:00 pm, habang siya ay nagwa­walis sa C-3 Road, humin­to ang isang lumang modelo ng sasakyan na walang plaka, malapit sa kanto ng M.H. Del Pilar St., Brgy. 113.

Bumaba ang isang lalaking nakasuot ng face mask at iniwan sa tum­pok ng mga basura ang pulang timbang may takip saka nagma­mada­ling sumakay sa naturang sasakyan at mabilis na umalis.

Nang tingnan ni Abis ang laman ng balde, la­king gulat niya nang ma­ba­tid na putol na kanang binti ng tao ang laman nito kaya agad niyang ipinagbigay-alam kay Barangay 113 Kaga­wad Joemar Salas na siyang nag-report sa himpilan ng pulisya.

Agad nagresponde sina PO1 Emmanuel Garcia, Jr., at PO1 Harris Tabo ng Caloocan police mobile patrol, sa naturang lugar, at dinala ang putol na binti sa PNP Crime Laboratory upang maba­tid ang pagkaka­kilanlan ng biktima sa pama­magitan ng DNA exa­mination. (R. SALES)