HATAW! D'yaryo ng Bayan hatawtabloid.com
READ: Matagumpay na businesswoman sa Dubai na si Mary Jane Alvero nagsimula sa ibaba at nagsikap
SA kanyang IG at Facebook account ay nag-post si Sylvia Sanchez na hindi niya alam kung matatawa siya o maiiyak dahil na-wow mali sa date ng pupuntahang book launching ng pamosong screenwriter, book author at Carlos Palanca Memorial Awardee na si Jerry B. Gracio para sa bago niyang aklat na may titulong “Bagay Tayo” at ang kakambal na “Hindi Bagay.”
Ang feeling kasi o nasa utak ni Sylvia ay noong Sabado (August 4) ang paglulunsad ng libro, imbitado nga siya.
So nag-ayos, nagpa-make-up at gayak na gayak at naghanda nang pumunta sa venue ang aktres. Noong nasa EDSA na ang mahusay na aktres, para hindi maligaw ay may tinawagan siya para itanong ang exact location ng event — ang Namayan Raffles Hotel. Sinabi sa kanya ng kausap na sa August 11 pa ‘yung date ng launching ng libro ni Jerry.
Ay sus! Natawa talaga ang aktres!
Hayun para huwag ma-badtrip ay nag-lunch na lang si Ibyang (palayaw ng actress) at sumaya nang makita ang anak-anakan na si Marvin Agustin. Nag-joke pa sa kanyang IG na sign na raw ba ng alzheimer’s (tulad ng ginampanang character bilang Nanay Gloria sa The Greatest Love) nang makalimutan niya ang date ng imbitasyon sa kanya ng kaibigang si Jerry na author din ng librong “Minsan Lang Sila Normal.”
Samantala finalist bilang Best Actress sa EdukCircle Awards si Sylvia para sa mahusay niyang performance sa huling teleserye sa ABS-CBN at GMO unit na “Hanggang Saan” na gumanap naman siyang martir at mapagmahal na si Nanay Sonya.
VONGGANG CHIKA!
ni Peter Ledesma
