HATAW! D'yaryo ng Bayan hatawtabloid.com
READ: Josh Yape, patuloy sa paghataw ang career
SOBRA ang kagalakan ni Lance Raymundo sa paglabas niya ngayon sa seryeng Since I Found You na tinatampukan nina Piolo Pascual at Arci Muñoz. Ang papel dito ni Lance ay bilang si Dr. Philbert Montreal, isang philanthropist na naging tulay para magkaayos sina Piolo at Arci sa naturang Kapamilya TV series.
Esplika niya, “Sobrang saya ko, I feel so blessed and thankful sa timing, kasi lalabas na ‘yung song at music video ko sa first week of September. So, thanks to my exposure sa SIFY, people will be more familiar with me by the time na i-release iyong single ko na You Are The One (YATO) from Viva.”
“Bukod sa pagiging doctor, my character is a philanthropist… always helping poor kids. Dahil sa akin… na-bridge ko sina Piolo and Arci nag-break na at hindi na nag-uusap. Then nagpa-medical mission ako sa shelter ni Piolo and ipinasama ko si Arci roon.”
Pinuri rin niya ang mga kasama sa seryeng ito lalo na si Piolo. “Si Alessandra (de Rossi) ‘yung pinakanakakasama ko rati pa and it’s always a pleasure working with her! Kasama ko siya sa first soap ko… iyong Pieta.
“Arci is so beautiful and so nice! On the spot, naging magka-vibes na agad kami and she’s so cute portraying her character na si Dani! Si Empoy naman, ‘pag sila ni Alex ang kinukunan… we always love to watch! It’s like watching a feel good comedy film! Tawanan kaming lahat palagi.
“Piolo, I would say is probably one of the nicest superstars in the country. Totoo ‘yun, very accommodating to everyone, he won’t make you feel like you’re a newcomer. Isa siya sa mga tao na kahit na isang oras lang ‘yung tulog, one hundred percent pa rin ang ibinibigay niya sa work,” aniya.
Saad ni Lance, “Hindi siya iyong tipong ‘Wala akong tulog ngayon ha,’ Yung mga ganoon. As in he’s alive, nasa set e, trabaho ‘yun e. So he’s someone na people like me na mas bago really should look, he’s a role model for all of us.”
So, hindi nagpapaka-superstar si Piolo? “Not at all. And then, ‘yung importante nga talaga ‘yung energy ng tao. Kasi maraming mga ibang artista, alam mo iyong kapag puyat, they’re moody, they don’t go on the set right away. Ito one hundred percent kaagad, so kaya pala hanggang ngayon nandoon pa rin siya,” saad pa niya ukol kay Piolo.
Si Lance ay nasa pangangalaga ngayon ng Viva Artist Agency at bukod sa SIFY at sa pinagbibidahan niyang movie with Direk Elwood Perez, marami pang kaabang-abang na projects sa kanya. Kabilang na rito ang kanyang pagbabalik-recording scene via his forthcoming single na You Are The One na katatapos lang niyang gawin ang MTV with Jana Victoria.
ALAM MO NA!
ni Nonie Nicasio
