Dinky Doo, tumutulong sa mga nalulong sa droga

NAIKUWENTO ng comedian/director na si Dinky Doo na minsang naging masalimuot ang kanyang buhay dahil sa paggamit ng ipinagbabawal na gamot.

Pero kalaunan ay mas pinili niyang magbago at kumapit sa Diyos. Kasabay ng kanyang pagbabago ay ang adhikaing tulungan ang mga taong nalulong sa ipinagbabawal na gamot.

At para mas mapalaganap ang proyekto laban sa droga, gumagawa siya ng pelikula ukol dito. Nauna na ang D.A.D na tinampukan nina LA Santos, Nina, at Rey “PJ” Abellana.

At ngayon naman ay ang pelikulang My DAD! I Hate Drugs. Siyempre, hindi nagtatapos sa DAD ang lahat dahil may kasunod na agad ito. Malapit na kasing mag-shooting ang next project ni Dinky na sa pagkakataong ito ay hindi lang siya direktor kundi siya pa ang bida sa pelikula. May pamagat itong My DAD! I Hate Drugs na pinagbibidahan nito kabituin sina Claire Ruiz , Alysse Montenegro, Marlon Villarojas, at Tori Garcia.

MATABIL
ni John Fontanilla