Saturday , May 10 2025
Bulabugin ni Jerry Yap
Bulabugin ni Jerry Yap

How about Mövenpick Resort & Spa Boracay, Madam Didi?!

HINAHAMON yata ng isang malaking kompanya ng hotel and casino ang political will ni Pangulong Rodrigo “Digong” Duterte dahil hanggang ngayon ay ipinangangalandakan nila na tuloy pa rin ang pagtatayo ng kanilang US$55-million casino resort complex sa Boracay.

Ayaw maniwala ng Leisure and Resorts World na kayang panindigan ni Pangulong Digong ang kanyang sinasabi na ayaw niya ng Casino sa Boracay.

Pero sa isang banda, may katuwiran din na hindi maniwala ang Leisure and Resorts World kasi nga naman matagal nang may Casino sa Boracay — ‘yan ang Mövenpick Resort & Spa Boracay.

Posibleng ngayon ay walang operasyon ang Casino kasi nga under rehabilitation ang Boracay pero sa muling pagbubukas niyan, tiyak na balik sa dating operasyon ang Movenpick.

Sabi nga, back to normal operations.

Puwede rin namang kaya sinasabi ng Pangulo na bawal ang Casino sa Boracay dahil hindi naiuulat sa kanya ng Philippine Amuse­ment and Gaming Corporation (PAGCOR) na dati nang may Casino ang Movenpick.

O kaya naman, ipinagpapalagay ng PAGCOR na hindi na dapat iulat sa Pangulo na Casino ang Movenpick dahil ito ay junket operation o mga dayuhan ang naglalaro na ang marami ay Chinese national.

Wattafak!

Kahit na mga dayuhang Chinese pa ang naglalaro sa Movenpick, Casino pa rin ‘yan.

Ang nakapagtataka, bakit hindi naiuulat ni PAGCOR Chair Madam Didi Domingo ang mga bagay na ‘yan kay Pangulong Digong?!

Hindi rin kaya niya alam?!

Aba, Madam Didi, dapat siguro ay mapa­syalan mo agad ang Boracay nang sa gayon ay maimbentaryo ninyo kung ilan ba talaga ang mga hotel diyan na may casino operations, junket man ‘yan o lokal?!

Kung hindi kasi tama ang datos na ipinaabot ninyo kay Pangulong Digong, e nagmumukha siyang katawa-tawa.

Gaya niyan, sinasabi niyang hindi siya papayag na may Casino sa Boracay, e hindi ba niya alam na matagal nang namamayagpag ang casino ng Movenpick sa Boracay?!

Kaya po kayo nasa PAGCOR Madam Didi, para hindi magmukhang ‘gago’ ang gobyerno natin.

Kaya kung hindi tama ang ulat ninyo sa Pangulo, Madam Didi — ano kaya ang tingin sa kanya ngayon ng mga pinagsasabihan niya na ayaw niya ng casino sa Boracay?!

Well, your guess is as good as mine.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Aksyon Agad Almar Danguilan

Endoso ni VP Sara kina Imee at Camille, wa epek

AKSYON AGADni Almar Danguilan HINDI rin umepekto ang pag-endoso ni Vice President Sara Duterte kina …

Firing Line Robert Roque

Ano na ngayon ang tingin ng mga botante kay Pulong?

FIRING LINEni Robert B. Roque, Jr. SINABI ni Congressman Pulong Duterte na ipapa-“authenticate” niya sa …

Sipat Mat Vicencio

FPJ Panday Bayanihan Partylist para sa mapayapang halalan

SIPATni Mat Vicencio ILANG araw na lang at tuluyan nang magdedesisyon ang taongbayan kung sino …

Dragon Lady Amor Virata

Fake news requirement na National ID para sa pagboto, ayon sa Comelec

Isumbong mokay DRAGON LADYni Amor Virata SABI ng Commission on Elections (COMELEC), ‘wag maniniwala sa …

Aksyon Agad Almar Danguilan

Bakit pipi ang PDP sa isyu ng West Philippine Sea?

AKSYON AGADni Almar Danguilan BUKOD sa trabaho, food security, at kalusugan, isang pangunahing election issue …

Leave a Reply

Your email address will not be published. Required fields are marked *