Senate employees, nasorpresa sa random drug test at P5K dagdag allowance

IKINAGULAT ng mga empleyado ng Senado ang isinagawang ran­dom at mandatory drug test.

Makaraan ang flag ceremony ay inianun­siyo ni Senador Tito Sotto sa mga kawani at opisyal ng Senado ang pagsasagawa ng random drug test.

Nanguna si Senador Gregorio Honasan nasa­bing isinagawang random drug testing.

Ilang empleyado ng Senado ang nabigla at ang ilan ay  pumabor sa kau­tu­san ni Sotto na pagpa­patupad ng random drug test para maging halim­bawa ang Senado sa iba pang mga ahensiya ng gobyerno.

Ngunit inihayag din ni Sotto ang karagdagang P5,000 para sa transpor­tation at grocery al­lowance na ikinatuwa ng mga kawani ng Senado.

Binigyang-diin ni Sotto, tama lamang ang karagdagang P5,000 allowance para ma­ka­sabay ang mga empleya­do sa pagtataas ng presyo ng mga bilihin sa merkado.

(CYNTHIA MARTIN)