HATAW! D'yaryo ng Bayan hatawtabloid.com
“OKEY naman,” ang sagot ni Kylie Padilla nang kumustahin namin sila ni Aljur Abrenica.
Nakakapanibago ba na magkaiba sila ng TV networks? Kapuso si Kylie at Kapamilya naman si Aljur.
“Hindi, kasi hindi rin naman kami nagkakasama niyong pareho kaming nasa GMA, sa ‘Sunday All Stars’ lang. So parang ganoon din,” at tumawa si Kylie.
Ang Sunday All Stars ay musical variety show ng GMA na umere mula 2013 hanggang 2015 at dating GMA artist si Aljur bago lumipat sa ABS-CBN.
Kapag nasa bahay sila, may tanungan ba kung kumusta ang kani-kanilang trabaho sa GMA at ABS?
“Oo may mga ganoon. Actually ang saya kasi our house is bilingual,” at tumawa si Kylie.
Walang network war.
“Oo, ‘yung isang TV naka-ABS, ‘yung isa naka-GMA. So it’s all peace.”
Na-excite rin si Aljur nang malaman nito na mapapasama si Kylie sa The Cure, na action scenes ang mga sinabakan ni Kylie bilang si Adira.
“Nandoon siya noong pumipili ako ng tattoo, eh!”
May mga (sticker) tattoo kasi si Kylie sa kanyang karakter sa GMA series.
“Tapos nandoon din siya noong first day na suot ko, sabi niya, ‘Wow, ang saya mo, ah! May character ka na ikaw ang gumawa. Ang saya!’”
Idea kasi ni Kylie na may mga tattoo si Adira.
Rated R
ni Rommel Gonzales
