HATAW! D'yaryo ng Bayan hatawtabloid.com
IBANG klase ang naging bonding moment ng BeauteDerm family sa pangunguna ng CEO at owner na si Ms. Rheå Ramos Anicoche Tan at ng number-one endorser niyang si Ms. Sylvia Sanchez. Nangyari ito last July 22, nang sama-sama silang nanood ng Rak of Aegis sa PETA Theater, Quezon City.
Masuwerte kami dahil bukod sa sobrang entertaining ang Rak of Aegis, personal din naming nakita kung gaano ka-solid talaga ang mga taong nasa likod ng BeauteDerm. As always, isang supportive na kaibigan si Ms. Rhea kaya nag-sponsor siya sa naturang show at bumili ng 50 VIP tickets!
Bukod kay Ms. Sylvia, naki-bonding ang BeauteDerm ambassadors na sina Rochelle Barrameda at Jimwell Stevens, Shyr Valdez, Alma Concepcion, Maricel Morales, Bulacan Board Member Alex Castro with Sunshine Garcia, Masbate Vice Governor Kaye Revil, San Juan La Union councilor Migz Magsaysay, at Councilor Jannah Ejercito. Kasama sa masayang bonding moment na ito ang napaka-supportive na husband ni Ms. Rhea na si sir Sam at ang kanyang pamilya.
Ang iba pang BeuateDerm ambassadors ay sina Arjo Atayde, Carlo Aquino, Matt Evans, Glydel Mercado, Councilor Kate Coseteng, Vice Mayor Donya Tesoro, at Darla Sauler.
Kahit busy sa mommy duties si Ms. Sylvia dahil kailangan niyang sumama sa pagsundo sa bunso nilang si Xavi na galing sa retreat, sumaglit pa rin ang award winning Kapamilya aktres para maki-bonding. Ngarag nga si Ms. Sylvia that night dahil galing pa siya sa Ayala Malls Feliz para sa grand opening naman ng The Eyebrowdery na bagong business ng anak na si Ria Atayde at Joseph Marco.
Ipinahayag ni Ms. Rhea ang kagalakan sa naturang bonding moment nila ng kanyang BeuateDerm family. “Ang saya-saya lang, gusto ko iyong ganito talaga.”
Idinagdag pa niyang natutuwa siya sa patuloy na paglago ng BeauteDerm at sa kanyang mga ambassadors/endorsers dahil hindi lang sila loyal na users ng BeauteDerm, kundi sila mismo ay natatatayo rin ng kanilang sariling branch nito.
“Iyong ating brand ambassadors talagang gumagamit ng ating produkto, sila ang patunay na napaka-effective talaga ng ating products,” saad ng masipag na businesswoman.
Si Ms. Sylvia kasosyo ang anak na si Ria ay may sariling BeauteDerm branch sa Butuan, ang Skin and Beyond by BeauteDerm. Samantala, ang branch ng mr. and mrs. tandem nina Rochelle at Jimwell ay magbubukas na next month sa Parañaque naman. Isa pang bubuksang branch ng BeauteDerm this August ay sa San Juan city naman.
Anyway, congrats sa BeauteDerm dahil ang 23rd branch nila na Beauté Icon by Beautéderm ay nagbukas na last July 23 sa Phase 2 Bldg1 Yubenco Tetuan, Zamboanga City.
ALAM MO NA!
ni Nonie Nicasio
