Mga kaibigan ni Kris, kumilos para magpa-block-screening

MISMONG si Kris Aquino ang umamin na flop ang kanilang pelikula, at inaako na niya ang pangyayaring iyon dahil ayaw niyang maapektuhan iyong Joshlia, na ang mga nakaraang pelikula ay naging mga malalaking hits.

Pero siya na rin mismo ang nagsabing kumilos naman ang kanyang mga kaibigan na nagpa-block screening sa mga sinehan para sa kanyang pelikula. Ang ibig sabihin niyon, binabayaran nila ang buong sinehan, mapuno man iyon o hindi, Basta ang bilang, naibenta ang lahat ng tickets para sa isang screening, at bahala na silang humakot ng manonood. Parang rally lang, puwedeng hakutin ang sasama.

May inilabas na gross report ang Star Cinema, pero may isang insider na nagsabi sa amin na ang kinita ng pelikula ay higit na mababa kaysa nasa press release. Natural lang naman ang ganoon.

Eh paano ba namang kikita iyan, hindi nai-promote ang pelikula dahil ang pinag-usapan ay ang love team ni Kris at Mayor Herbert Bautista,”that never was.”

HATAWAN
ni Ed de Leon