HATAW! D'yaryo ng Bayan hatawtabloid.com
NAGPAPASALAMAT si Queen Rosas sa kaniyang supporters at kahit na going to two decades na ang singing career ay nariyan pa rin sila at pinanonood ang mga regular gig at concert niya. Na-touched si Queen sa response ng crowd nang mag-front act siya sa mall tour ng kaibigang singer na si Nick Vera Perez noong mag-home coming ito sa bansa.
Malaking factor ayon kay Queen ‘yung pagsali niya noon sa isang malawakang singing contest sa isang sikat na TV network na pinuri ang performance niya ng mga huradong sina Rico J Puno at Rey Valera. Samantala gustong ipaalam ng nasabing folk artist (Queen) na sa September 6 ay guest siya sa concert para sa Parokya ni San Jose sa Dayangdang Naga City. Kinuha siya rito ng number one Kagawad na si Pong Garza ng Dayangdang, Naga City.
Sa buwan din ng September ay tutugtugan ni Queen ang may-ari ng Tripold Bus na nasa Naga rin sa Bikol. Tuwing Sabado ay mapapanood ang regular gig niya sa Bamboo Giant located sa Quirino Ave., Taft Ave., at madalas ay puno ang venue kapag si Queen ang nagso-show.
Ang bentaha niya kasi mahusay nang kumanta ng mga folk song ay magaling pang tumugtog ng gitara, kaya naman pinapalakpakan talaga siya ng kanyang audience.
VONGGANG CHIKA!
ni Peter Ledesma
