MMDA lady enforcer sugatan sa armored van

SUGATAN ang isang lady traffic enforcer ng Metropolitan Manila Development Authority (MMDA) nang masaga­saan ng isang armored van sa EDSA, Quezon City, kahapon ng uma­ga.

Sa ulat ng Quezon City Police Traffic Enforce­ment Unit, kinilala ang biktimang si Maricel Gammad, Traffic Con­stable III, inoobserbahan sa East Avenue, Medical Center.

Napag-alaman, nang­yari ang insidente dakong 10:00 am sa EDSA-Cubao northbound.

Abala ang biktima sa pagsasaayos ng trapiko nang dumating ang hu­ma­hagibis na armored van na minamaneho ni Dennis Ellaraiz at nabun­dol ang lady traffic enfor­cer.

Agad sumuko sa mga awtoridad si  Ellaraiz na nahaharap sa kasong reckless imprudence result­ing in physical injury.  (ALMAR DANGUILAN)