HATAW! D'yaryo ng Bayan hatawtabloid.com
SOBRANG saya at excited ng Kapuso teen actress na si Jillian Ward nang makapanayam namin siya recently. Kasalukuyan kasi siyang nagte-taping sa Magpakailanman ni Mel Tiangco at ipinahayag ni Jillian ang labis na kagalakan dahil sa challenging na papel na ibinigay sa kanya rito kasama sina Epi Quizon at Mickey Ferriols, sa pamamahala ni direk LA Madridejos.
“Nagte-taping po ako today. Ang role ko po rito ay challenging talaga pero hindi ko pa po puwedeng sabihin. Basta sobrang iba po ito sa mga usual roles na ginagawa ko and sobrang happy po ako.”
Bakit mo nasabing challenging ‘yung role mo riyan?
“Medyo nakakatakot po kasi siya, hahaha! At talagang bago po sa akin ‘yung role na ‘yun, mahirap din po(siya)ng i-portray.”
Ang naturang episode ng Magpakailanman ay ipalalabas na ngayong Sabado, July 7 sa GMA-7.
Nabanggit din ni Jillian na kabilang sa dream niya ang gumanap na Dyesebel at magkaroon ng album. “Dream ko rin po maging Dyesebel and wish ko rin po magkaroon ng album. Pero depende pa rin po sa GMA-7 kung ano po ‘yung gusto nilang path sa career ko, nagtitiwala naman po ako sa kanila,” nakangiting pakli ng magandang teen actress.
Ayon kay Jillian, may plano silang gumawa ng covers ni Darren Espanto at i-upload ito sa YouTube. Si Darren ang isa sa hinahangaang singer ni Jillian.
Incidentally, sa mga gustong mapanood si Jillian sa kanyang YouTube channel, mag-subscribe sa kanyang YouTube account-Jillian Ward.
ALAM MO NA!
ni Nonie Nicasio
