HATAW! D'yaryo ng Bayan hatawtabloid.com
HINDI na nga paaawat pa ang iconic Imus Productions dahil ngayong taon ay isasalang na sa Pista ng Pelikulang Pilipino sa pamamagitan ng Film Development Council of the Philippines ang trilogy film na Tres na bida sina Cavite Vice-Governor Jolo Revilla kasama ang mga kapatid nitong sina Bryan at Luigi Revilla.
Bibida si Jolo sa 72 Hours, si Bryan naman sa Virgo, at si Luigi sa Amats.
Dalawang direktor ang humawak sa Revilla brothers, ito’y sina Direk Dondon Santos at Richard Somes.
May kanya-kanyang kuwento ang tatlong episode kaya naman nangako ang tatlong bida ng pelikula na magiging sulit ang ibabayad ng manonood.
Oo nga pala, after six years ay muling nagbalik sa pagpo-produce ng pelikula ang Imus Productions. Natutuwa naman ang tatlong bida dahil desisyon pala ng kanilang pamilya na sila dapat ang bumida sa comeback movie ng kanilang family business film production.
Bongga ang pelikula dahil mayroon pa itong gagawing music video ganoon din ang paglapat ng movie themesong na mismong si Jolo ang sumulat nito na binigyang tunog naman ng sikat na compositor at direktor na si Direk Joven Tan. (DOMINIC REA)
