HATAW! D'yaryo ng Bayan hatawtabloid.com
KAHAPON, opisyal na bukas na naman ang tinatawag ng Commission on Elections (Comelec) na continuing registration of voters.
Bukas daw ito, mula kahapon, 2 Hulyo hanggang 29 Setyembre 2018, para sa May 13, 2019 national and local elections.
Parang gusto nating bumilib sa walang humpay na pagganap sa tungkulin ng Comelec para sa pagpaparehistro ng mga botante.
At isa sa ipinagtataka natin sa sistemang ito, parang hindi nauubos ang mga nagpaparehistro. Talaga bang ganyan karami ang mga hindi pa rehistradong botante sa Filipinas?
Wattafak!?
Heto pa ang isa, kung gaano kasipag magbukas ng rehistrasyon ang Comelec, siya namang kupad na parang pagong mag-isyu ng voters’ ID.
Ay mali!
Hindi lang pala makupad, mas tama palang sabihin na parang wala nang balak mag-isyu ng voters’ ID ang Comelec.
Ano sa palagay ninyo, Comelec Information Director James ‘balbas’ Jimenez? May balak pa ba ang mga bossing ninyo na ilabas ang voters’ ID ng mga botante!?
Ilang elections na ang nagdaan pero hanggang ngayon…nganga pa rin kayo?!
‘Taragis!
Ang tagal naman ng intervals ng mga eleksiyon, lalo na ‘yung barangay and Sangguniang Kabataan (BSK) elections na ilang beses nabinbin pero hind pa rin naasikaso ng Comelec ang voters ID.
Ano ba talaga ang nangyari riyan sa voters’ ID?!
‘Yung budget na nakalaan diyan, saan na napunta?! Baka naman nagkanya-kanyang ID ‘este bulsa na kayo?!
Kung hindi na kayo magbibigay ng voters’ ID, aba ‘e magdeklara kayo, para nang sa ganoon, kaming mga botante na lang ang magpagawa ng sariling ID namin.
E kasi naman, parang ayaw na ninyong mag-isyu ng voters’ ID.
Director James, palagay natin ‘e panahon na para magdeklara kayo — may lalabas pa bang VOTER’s ID, o WALA na?!
Hihintayin po namin ang sagot ninyo!
MAYOR HALILI
KAAWAY BA
O KAKAMPI
NG DROGA?
ITINUMBA kahapon ng isang ‘sniper’ si Tanauan, Batangas Mayor Antonio Halili habang pinangungunahan niya ang pagtataas ng watawat para sa flag raising ceremony.
Eksakto sa linyang, “ang mamatay nang dahil sa iyo, tinutop ni Mayor Halili ang kanyang dibdib dahil doon siya sinapol ng bala.
Marami ang nagulat sa pangyayari nang makita nilang agad na natumba ang alkalde.
Magugunitang pumutok ang pangalan ni Mayor Halili dahil sa kanyang walk of shame.
Lahat ng mga tinatawag nilang adik at magnanakaw ay ipinaparada at pinaglalakad niya nang may karatula sa dibdib sa matataong lugar sa lungsod.
Kaya ang sabi, marami ang galit sa kanya.
Maging ang mga pulis nga ay galit kay Halili at pumutok din na siya ay nasa ‘drug watchlist.’
Pero ang sabi ni Yorme, hindi totoo ‘yan. Trabaho lang ‘yan ng mga kalaban niya sa politika.
Ang tanong ng marami ngayon, sino ang ‘tumira’ kay Mayor Halili!?
Sindikato ba ng droga o mga ‘pulis’ na nagsabing siya ay konektado sa ilegal na droga?!
O mga kalaban niya sa politika?!
Nakalulungkot na nagaganap ang ganitong mga pangyayari sa ilalim ng administration ni Pangulobng Digong Duterte.
Nakababahala ang ganitong mga insidente. Parang wala nang tigil ang patayan sa ating bansa.
Kapag nanood at nakinig ka nga ng news sa TV at radio, ang mga balita ganoon pa rin. Walang ipinagbago. Holdapan, patayan at ilegal na droga.
Parang lalong lumalakas pa ang loob ng mga kriminal kahit puro katapangan ang ipinakikita ni Tatay Digong.
Bakit po kaya?
Naumay ba sa katapangan ni Digong ang mga mamamayan o ayaw nang bumilib sa tapang niyang maingay?!
Nagtatanong lang po tayo!
THANK YOU
CEBU PACIFIC
NAGPAPASALAMAT ang print media group na kinabibilangan ng inyong lingkod kasama sina Butch Quejada ng Pilipino Star Ngayon; Roniel de Guzman, Manila Bulletin; Joel Zurbano, Manila Standard; June Simon, Tiktik; Willy Balasa ng Journal Group; Jojo Sadiwa; Edwin Alcala at Gloria Galuno ng HATAW sa Cebu Pacific family tour sa Singapore.
Isa ito sa pinakamasayang tour na ginawa ng Cebu Pacific para sa media.
Kaya naman patuloy na dinaragsa ng blessings ang Cebu Pacific.
Thank you Ms. Charo Logarta Lagamon, Ms. Malou Abayon and Ms. Len Balmonte.
It was really warm and fun-filled bonding with you.
Sa uulitin po…
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
