Pagtanaw ng utang na loob ni Alden, puring-puri ni Mayor Dan

MAYOR ng Sta. Rosa City sa Laguna ang aktor na si Dan Fernandez at isa sa mga residente ng Sta. Rosa si Alden Richards.

Kaya naman very proud si Mayor Dan sa mga accomplishment at achievements ni Alden!

”We’re proud of him! Kasi siyempre tagarito siya at saka kapag uma-attend siya ng mga event namin, laging libre!

“Hindi siya nagpapabayad dito sa Sta. Rosa!”

Malapit din si Alden sa pamilya ng mga Arcillas, Congresswoman Arlene Arcillas na noong hindi pa gaanong sikat si Alden ay Mayora ng Sta. Rosa, bago ito ay naging mayor din ng Sta. Rosa ang ama ni Congresswoman Arlene.

“So ‘pag dito siya talaga, it’s always for free.

“And we are very thankful at siyempre naalagaan din siya ni Congresswoman Arlene at saka ni Mommy Ofie (ina ni Congresswoman Arlene).

“Marunong tumanaw ng utang na loob ‘yung bata and that’s one thing na I’m proud of him.

“Dahil nga siyempre parang alam mo, ‘yung ibang kabataan minsan, parang hindi marunong tumanaw ng utang na loob.

“Si Alden, marunong siyang tumanaw ng utang na loob.”

Kahit pagod at puyat si Alden pero nahilingan nila na pumunta sa isang event nila sa Sta. Rosa ay dumarating ito.

“Kahit 7:00 a.m., andito na ‘yun, pumaparada na ‘yun!

“At saka nag-i-stay siya ng matagal. At saka any event na iniimbitahan namin siya pumupunta siya.

“Hindi siya nagbago.

“Basically ano siya, mabait talaga ‘yung bata.”

Kaya ngayon pa lamang ay nagdedeklara na si Mayor Dan ng suporta sa upcoming Primetime series/family drama/action-fantasy show ni Alden sa GMA, ang Victor Magtanggol.

Rated R
ni Rommel Gonzales