Mocha, ‘di marendahan ni Andanar

NAKIKITAAN naming ng irony ang latest assertion o pahayag ni Kris Aquino na kakampi niya ang media hinggil sa cyber war nila ni Mocha Uson.

Kung ang mga DDS o tagasuporta ni Digong siyempre ang tatanungin ay na kay Mocha ang kanilang panig.

Pero mukhang ang government media bureau na ito ay hindi kasama sa sinasabi ni Kris na kampi sa kanya.

For one, ang kalihim nitong si Martin Andanar ay hindi nga marendahan ang subordinate lang niyang si Mocha, na ang laging ikinakatwirang palusot, labas ang PCOO sa anuman ang mga ipino-post niya sa kanyang social media account.

Personal blog daw ‘yung mga tirade niya kay Kris, at hindi reflective ng ahensiya. So, ibig sabihin, ginagamit ni Mocha ang social media para isulong ang kanyang personal na interes.

Samakatwid, ano pala ang silbi niya bilang ASec, ang magdulot ng kahihiyan sa isang tanggapan na ang mandato ay magpalaganap ng wastong impormasyon sa mga mamamayan?

So, dual pala kung ganoon ang pagkatao ni Mocha?

Sec. Andanar should resolve Mocha’s conflict within her character. Pero sad to say, kahit ang mga “shared criticism” sa mga kapalpakan ng PCOO ay si Mocha lang ang sumasangga.

Sorry to say this pero sa plantilya lang may silbi si Martin. May “item” lang siya sa gobyerno pero nakagapos naman ang kanyang mga kamay sa pagpapabayang tutukan ang kanyang mga tauhan tulad ni Mocha.

Maanong irekomenda niya sa mga malalapit kay Digong para ibulong na hindi maituturing na asset ang kanyang ini-appoint kundi isang malinaw na liability?

HOT, AW!
ni Ronnie Carrasco III