HATAW! D'yaryo ng Bayan hatawtabloid.com
KAHIT na magkaibigan sina Tom Rodriguez at Dennis Trillo, hindi nagkakailangan sina Tom at Jennylyn Mercado sa mga medyo intimate scenes nila sa The Cure bilang mag-asawa.
Girlfriend ni Dennis si Jennylyn at mag-asawa ang papel nina Tom at Jennylyn sa serye.
“It’s work,” bulalas ni Tom tungkol dito.
Magkaibigan sina Tom at Dennis at iisa ang manager nila, si Popoy Caritativo.
Samantala, nagmistula palang doktora ni Tom si Jennylyn!
Madalas kasing atakihin ng allergies si Tom lalo na kapag bumibiyahe at sumasakay sa eroplano, pero dahil sa mga tips sa kanya ni Jennylyn ay nawala na ang allergy attacks niya.
“Thank you sa mga itinuturo niya sa akin kasi ngayon my plane rides are comfortable. Kasi rati, nag-a-allergy ako, hatsing ako ng hatsing [sneeze] sa eroplano.
“Pero ngayon I just use lavender and peppermint oils, wala na, pati migraine ko nawala.
“Oilbularyo na rin ako ngayon, I just put lavender and peppermint para mawala ‘yung allergies ko.
“I’m happy with the benefits I get from them.”
Co-stars sina Tom at Jennylyn sa The Cure ng GMA kaya madalas silang nagkakakusap, lalo na kapag break sa taping.
At kung may mga natututuhan si Tom kay Jennylyn ay may mga kaalaman ding naibabahagi si Tom sa aktres.
Maraming scientific facts na alam si Tom dahil mahilig itong mag-research.
“Nahihiya na nga ako sa kanila kasi non-stop akong magsalita sa set, sa taping,” at tumawa si Tom.
Ano ba ang mga itinuturo niya kay Jennylyn about science?
“Ah kung ano-ano lang, eh! Minsan about lang sa mga nare-research ko.”
Pareho sila ni Rafael Rosell na maraming alam tungkol sa mga kung ano-anong bagay, mapa-science man, technology o current events.
“Kaya I’m happy to be part of Luminary, ako, si Raf, si Dennis, si JC.”
Intense kung magkuwentuhan silang apat nina Rafael, Dennis, at JC Tiuseco na pare-parehong nasa pangangalaga ng Luminary Talent Management ni Caritativo.
Rated R
ni Rommel Gonzales
