Kris, takot sa katotohanang tapos na ang kanilang panahon

HINDI raw tatakbong senador si Kris Aquino sa 2019, sabi rin niya. Dahil masisira raw ang kanyang mga endorsement. May mga kontrata pa raw siya hanggang 2020 na nagsasabing hindi siya dapat pumasok sa politika. Pero ano ba iyong mga kontratang iyan. Kung mananalo nga siya, maski iyong mga kakontrata niya hindi aangal iyan. Ang totoo takot din naman siyang tapos na ang kanilang panahon.

Hindi ba kinantahan na nga siya ni dating Senate President Juan Ponce Enrile ng “those were the days my friend, we thought would never end.” Hindi ba inilampaso siya sa popularidad ni Mocha roon sa survey na ginawa ng GMA 7 noong katindihan ng kanilang controversy.

Isang katotohanan din na hanggang ngayon walang network na gustong sumugal sa TV show niya kaya nagtitiyaga siya sa Facebook. Kung sa TV show ba siya gagawa ng show, tatanggapin ba natin ang mga katotohanang iyan?

HATAWAN
ni Ed de Leon