Utol nina Elmo at Maxene Magalona arestado (Nandakma ng wetpu)

ARESTADO ang kapatid ng mga artistang sina Elmo at Maxene Magalo­na, sa Taguig City nitong Lunes ng umaga, ayon sa ulat ng pulisya.

Dinakip ng mga awto­ridad si Francis Michael Magalona nang irekla­mong nandakma ng puwet ng isang babae, ayon kay Southern Police District Director, C/Supt. Tomas Apolinario Jr.

Ayon sa biktima, ku­mu­kuha siya ng alcoholic beverages nang lumapit si Magalona sa kanyang likod at biglang dinakma ang kanyang puwet.

Agad ini-report ng biktima, na isang VIP host ng Revel Bar, ang insidente sa kanilang supervisor at humingi ng tulong sa kanilang head bouncer na siyang umaresto kay Magalona.

Nakapiit si Magalona sa Taguig police station.

Wala pang inilalabas na komento ang kampo ng suspek hinggil sa insiden­te.