Joel Cruz, Ynez at iba pa, ‘di uurungan si Dupaya

PINASINUNGALINGAN ni Atty. Jasmin Sy, Afficionado’s corporate counsel na expired ang mga pabangong ibinenta ni Joel Cruz kay Kathy Dupaya.

Iyon ay bilang tugon sa sinabi kamakailan ni Dupaya na pawang expired ang mga pabangong dinala sa kanya.

Sinabi pa ni Sy na kompleto sila ng returns na pina-file nila sa BIR. Iyon ay tugon naman sa tinuran din ni Dupaya na isusumbong sila sa Bureau of Internal Revenue.

Sinabi naman ni Atty. Ferdi Topacio na bukod sa estafa, sasampahan din  nila ng kasong libelo si Dupaya.

Sa kabilang banda, tinawanan naman ni Ynez Veneracion si Dupaya sa sinabi nitong idedemanda siya ng libel sa Jolo, Sulu.

Aniya, “Kakasuhan daw ako sa Jolo, Sulu. Wala namang court doon ‘di ba? At saka hometown daw niya kasi ‘yun. Paano po siya magkakaso roon? Hindi naman po siya permanent resident. Pero sige po, pupunta ako roon. Magkikita kami, charot!”

Idedemanda naman ni Ynez si Dupaya ng cyber crime at libel dahil umano sa pagmumura at panlalait sa kanya.

SHOWBIZ KONEK
ni Maricris Valdez Nicasio