HATAW! D'yaryo ng Bayan hatawtabloid.com
HINDI pa man ay aligaga na ang ilang movie company na nagbabalak lumahok sa Metro Manila Film Festivalsa darating na Disyembre.
Tulad ng inaasahan, mayroon na namang entry si Vice Ganda. Sa katunayan, inupuan na raw ng tinaguriang Unkaboggable Star ang tema ng proyekto kasama ang ilang bumubuo ng Star Cinema.
Ayon kay Vice, maganda ang naging resulta ng kanyang pakikipag-usap dahil nag-swak ang mga idea nila.
Samantala, maugong ang balitang as usual ay mayroon ding ipi-field na entry sina Vic Sotto at Coco Martin. Pero ang twist, magsasanib-puwersa sina Bossing at Coco para tapatan ang movie ni Vice.
Kung matatandaan, ang nag-joint forces two years ago (2016) ay sina Vice Ganda at Coco laban kay Vic. The following year—noong isang taon—ay labo-labo na silang tatlo.
Vic fielded Meant To Bhe na nakaka-disappoint ang sinapit sa takilya, samantalang pinag-ugatan naman ng ‘di pagkakaunawaan ang separate entries nina Coco (Ang Panday) at Vice Ganda (The Revengers; Gandarappido).
Hindi na kami magtataka kung mabubuhay muli ang warlalu nina Coco at Vice Ganda. Nagkataon pa kasing mas pinili ni Coco na makipag-alyansa kay Vic, host ng Eat Bulaga na rival noontime show ng It’s Showtime na host si Vice Ganda.
Pero kung si Vice Ganda ang tatanungin ay kompiyansa ito. Wari’y hindi dahilan ang Vic-Coco tandem para mangamba siya.
Playing safe pa nga ang komento niyang ang mga moviegoer naman ang makikinabang sa kanilang pinanonood na pinaghahandaan ng mga bituing tampok doon.
HOT, AW!
ni Ronnie Carrasco III
