8 bahay natupok sa Taguig

UMABOT sa walong bahay ang natupok sa sunog sa Brgy. Ibayo Tipas sa Taguig City, 11:00 pm nitong Sabado.

Ayon sa ulat, bunsod ng laki ng sunog, pati mga bombero sa mga kalapit na lungsod ay kinailangan tumulong sa pag-apula ng apoy.

Dakong 2:00 ng madaling-araw nang tuluyang naapula ng mga bombero ang sunog.

Ayon sa mga residente, nakarinig sila ng gulo mula sa isa sa mga bahay sa kanilang lugar bago magkasunog.

Mabilis kumalat ang apoy dahil dikit-dikit ang mga bahay na gawa sa mga materyal na madaling masu­nog.

Nahirapan ang mga bombero na makapasok sa lugar dahil makitid ang mga daan.