HATAW! D'yaryo ng Bayan hatawtabloid.com
KAPWA hindi nakayanan nina Janella Salvador at Jameson Blake ang mga panglalait na natatanggap sa kani-kanilang social media kaya naman pinutol o nag-deactivate sila ng kanilang account.
Mabilis hinusgahan ang pagkatao ni Janella nang nakipagtalo siya sa isang matandang tindera ukol sa sukli at inulan naman ng panghihiya si Jameson nang tanggihan at takbuhan siya ng nililigawan.
Timely ang usaping ito na tinalakay sa So Connected na handog ng Regal Entertainment at idinirehe ni Jason Paul Laxamana. Na tiyak marami ang makare-relate lalo na iyong mga naba-bash.
Masayang panoorin ang So Connected na kung gusto ninyong tumawa at maaliw, panoorin ninyo ito na sa umpisa pa lang ay hahangaan mo na ang galing umarte ni Jameson. At siyempre, hindi rin naman nagpahuli si Julia na natural na natural ang pagiging kikay.
Sa kabilang banda, star studded ang ginanap na red carpet premiere night noong Martes ng So Connected sa SM Megamall. Ang mga sumuportang kaibigan nina Jameson at Janella ay sina Maja Salvador, Maris Racal, Iñigo Pascual, Mccoy de Leon, Elisse Joson, Jane Oineza, Kyle Secades, Marco Masa, Chunsa Jung, at ilang miyembro ng Hashtags.
At siyempre naroon din ang iba pang bida sa So Connected tulad nina Paulo Angeles at Krystal Brimmer.
SHOWBIZ KONEK
ni Maricris Valdez Nicasio
