Kidlat tumama sa cellphone 9 bata, 2 pa sugatan (Habang nagrorosaryo)

BAGO CITY, Negros Occidental – Sugatan ang 11 katao makaraan tama­an ng kidlat habang nag­ro­rosaryo sa Bago City, Negros Occidental, nitong Martes ng hapon.

Ayon sa ulat, ang mga biktima ay nasa loob ng chapel ng Sitio Pandan, Brgy. Ma-ao at nagroro­saryo nang tumama ang kidlat.

Nawalan ng malay ang karamihan sa mga biktima makaraan ang insidente at nagkaroon ng minor in­juries.

Sa 11 biktimang tina­ma­an ng kidlat, siyam ay pawang mga bata.

Ayon sa mga naka­kita, tumama ang kidlat sa isang bata na naglalaro ng cell­phone.

Hindi nila matukoy kung sino sa mga bata da­hil masikip ang kapilya na may 46 tao sa loob.

Ayon sa paring si Ar­nel Gremio, sila ay nag­tipon-tipon dahil sa Flores de Mayo sa kanilang lu­gar.