HATAW! D'yaryo ng Bayan hatawtabloid.com
HILIG ng guwapitong si Christienne Viloria ang mag-artista, kaya naman sa ngayon ay sumasabak na siya sa acting workshop. Si Christienne ay pinsan ng BeauteDerm CEO at owner na si Ms. Rhea Tan at sa launching ni Arjo Atayde bilang brand ambassador ng The Origin Series perfume ng BeauteDerm ay present ang tisoy na binata.
“On going po ang acting workshop ko ngayon sir, sa San Juan po with Ms. Mosang po,” panimula ng 24 na si Christienne na tubong Ilocos at graduate ng Comm Arts sa Saint Louis University sa Baguio City.
Idol mo raw si Arjo? “Yes po, kasi sir versatile po siya pagdating sa craft niya at makikita mo talaga yung conviction sa bawat character na pino-portray niya po.
“Sa Ang Probinsyano ko po siya unang napanood at bumilib ako sa kanya. Ngayon nga, nakikita naman natin na napaka-versatile na actor talaga ni Arjo.”
Kung bibigyan ka ng chance, ano ang tipo ng role na gusto mo magampanan?
“Sa ngayon sir kahit ano pong role tatanggapin ko po as part of learning the craft,” maikling tugon niya.
Bukod kay Arjo, sino pa ang gusto mong makatrabahong artista? “Bela Padilla po talaga sir, kasi si Bela, bukod sa magaling na aktres ay magaling din po na writer, kaya nai-impress po ako sa creativity niya.”
Wish mo rin ba na someday ay maging endorser ka rin ng BeauteDerm perfume? Gumagamit ka ba ng perfume na ine-endorse ni Arjo?
“Definitely sir! Kung puwede lang po na i-endorse lahat ng products ni Ms Rei sir, it would be an honor po.
“Yes sir, gumagamit po ako ng perfume na ine-endorse ni Arjo and it is highly recommendable po talaga.”
ALAM MO NA!
ni Nonie Nicasio
