HATAW! D'yaryo ng Bayan hatawtabloid.com
NAG-START ang friendship ng The Singing Nurse na si Nick Vera Perez at OPM Rock Artist na si Queen Rosas nang magkasabay ang dalawa na mag-guest sa isang show sa DZRJ TV. Since din ay hindi na nawala ang communication ng dalawa at sa homecoming ni Nick na handog sa kanyang fans ay si Queen ang kinuha niyang front act sa kanyang mall tours.
Lahat ng mall show ng Warner Music Philippines artist (Nick) na inumpisahan sa SM Sucat, Centris Mall at Fisher Mall hanggang sa last leg nito sa Alabang Star Mall kahapon ay dinumog ng fans and supporters ng singer na nasabik sa kanilang idolo.
And in all fairness, lahat ng crowd ay nag-enjoy sa performance ni Nick sa show at malakas ang impact nito sa millennial audience. Maganda rin ang naging pagtanggap kay Queen lalo ng crowd na mahilig sa folk songs.
Inumpisahan na rin ang Campus Tour ni Nick na nominated as “Best New Male Recording Artist” sa PMPC Star Music Awards 2018. Samantala para ma-meet uli ang grupo ng entertainment writers ay inimbitahan sila ni Nick at publicist nito na si Ms. Anne Venancio na magkasama-sama sa grand presscon cum show na idinaos sa Rembrant Hotel sa Kyusi.
Patuloy din ang promotion ng first album ni NVP na “I am Ready.” Professional at top nurse ang nasabing mahusay na artist sa Chicago Illonois. Puring-puri ni Queen ang attitude niya na hindi lang mabait kundi mapagmahal daw sa kanyang mga tagahanga.
VONGGANG CHIKA!
ni Peter Ledesma
