Enrique Gil may bagong partner sa Bagani, LiZQuen kalmado

KAHIT pasulpot-sulpot ang karakter ni Liza Soberano bilang si Ganda sa top-rating drama-fantasty series na “Bagani” ay chill and relax sa panonood ang hukbo-hukbong LizQuen fans dahil confident silang lahat na hindi mawawala sa show si Liza at busy lang sa Darna na inaabangan na rin ng lahat.

Ngayong pahinga muna si Ganda at hindi naman lumamlam ang show dahil bukod sa gabi-gabing nakikita ang lider ng Bagani na si Lakas (Enrique Gil) ay nariyan din sina Matteo Guidicelli, Makisig Morales, Zaijan Jaranilla, Aiko Melendez, Kristine Hermosa, Dimples Romana at tila bagong mukha na ipina-partner muna kay Enrique na from Star Magic na si Charlie Dizon.

Ginagampanan ni Charlie ang karakter ni Marikit at agad naman siyang nagustuhan ng TV viewers sa kanyang performance sa serye. Mukhang magiging miyembro rin ng Bagani si Marikit at lalong magiging malakas ang impact niya ‘pag nagkataon. Napapanood gabi-gabi ang “Bagani” pagkatapos ng FPJ’s Ang Probinsyano sa ABS-CBN primetime block.