Kelot utas sa boga

PATAY ang isang lala­king namamahinga na ngunit tinawag ng mga katropa sa isang inoman makaraan pagbabarilin ng hindi kilalang mga suspek sa Caloocan City, kamakalawa ng gabi.

Agad binawian ng buhay sa insidente ang biktimang si Raymar Aquino, 30-anyos, resi­den­te sa Zapote St., Brgy. 141, Bagong Barrio ng nabanggit na lungsod.

Batay sa ulat ni Calo­ocan police chief, S/Supt. Restituto Arcanghel, dakong 9:30 pm nang sunduin ng kanyang mga kaibigan ang biktimang namamahinga sa kan­yang bahay.

Ngunit pagdating sa kanto ng Balagtas St.. sa Brgy. 143, ay biglang pinagbabaril ang biktima ng mga suspek, na agad niyang ikinamatay.

Batay sa ulat ng pu­lis­ya, ilang buwan na ang nakararaan ay tinangkang patayin ang biktima ng hindi kilalang suspek habang nasa inoman ngunit siya ay nakaligtas.

Patuloy ang imbesti­gasyon ng mga awtori­dad kung may ilegal na gawain ang biktima.

(ROMMEL SALES)