Negosyante kritikal sa kawatan

KRITIKAL ang isang 59-anyos negosyanteng babae makaraan bugbugin ng hindi kilalang lalaki sa kanyang bahay sa Malabon City, kamakalawa ng gabi.

Kinilala ang biktimang si Fiel Castro, taga-Brgy. Longos, malubha ang kalagayan sa Dr. Jose Reyes Memorial Medical Center sanhi ng sugat sa batok at mga suntok sa iba’t ibang bahagi ng katawan. Sa ulat nina PO2 Rockymar Binayug at PO2 Junny Delgado, 6:00 pm, nasa loob ng kanilang bahay ang biktima nang pasukin ng hindi kilalang suspek. Armado ng kahoy, hinataw sa batok ang biktima na bumagsak sa sahig. Hindi nakontento, hinatak ang biktima sa buhok at paulit-ulit iniuntog sa sahig ang mukha at hindi tumigil hanggang magpanggap na patay.

Kinuha ng suspek ang 2 cellphones na P7,500 ang halaga, at P10,500 salapi bago tumakas sa hindi matukoy na direksiyon.

     (ROMMEL SALES)