Palakpakan ng mga tao, inakalang ulan ni Odette

HALOS maiyak sa tuwa si Odette Khan noong manalo bilang Best Supporting Actress sa nakaraang PMPC award.

May 40 taon na siya sa showbiz at ngayon lang nabigyan ng pansin at nabigyan ng award.

Noong nasa Ateneo De Bacolod pala si Odette sa isang declamation contest napiling manalo ang yumaong Senadora Miriam Defensor at si Odette ang pumangalawa. No wonder inspirasyon niya ang yumaong senadora noong gampanan ang papel bilang judge.

Kuwento ng anak niyang si Claudette na isang guro ngayon sa UP, nagtataka ang mama niya noong gabi ng awards dahil pagkatapos niyang mag-speech parang biglang umugong na animoy malakas na ulan. Ani Claudette sa ina, palakpakan ng mga tao ang nadirinig niya at hindi ulan.

Sa sobrang tuwa ni Odette, nakalimutang pasalamatan si Rams David na kanyang manager. Naunawaan naman siya dahil sa sobrang kaligayahan.

SHOWBIG
ni Vir Gonzales