Monday , March 17 2025

Janella, nagiging suwail na raw dahil kay Elmo

PATULOY palang ‘di pa nagkakasundo ang mag-inang Jenine Desiderio at Janella Salvador dahil sa pagkahumaling ng batang aktres sa batang aktor. May panahong ipino-post ni Jenine sa Facebook n’ya ang tungkol sa katigasan ng ulo ni Janella kapag may kinalaman sa relasyon n’ya kay Elmo Magalona.

Nagiging suwail na raw si Janella dahil sa relasyon n’ya sa anak ng yumaong rapper na si Francis Magalona.

Recently, may pinapatamaan si Jenine sa Facebook na isang tao na umano ay laging naggi-gatecrash sa family events nila. Nadiskubre ng  fans nina Janella at Elmo na sumusubaybay sa mga shout-out ni Jenine sa FB na si Elmo pala mismo ang pinatutungkulan ni Jenine.

Sa mga interview kina Janella at Elmo para i-promote ang Valentine movie nilang My Fairy Tail, may mga mapang-intrigang tanong tungkol sa umano’y pagiging tutol ni Jenine sa pakikipagmabutihan ni Janella kay Elmo. In-imply din sa mga tanong sa kanila ang tungkol sa tao na pinagbibintangan ni Jenine na gatecrasher sa family events nila.

Sumagot ang dalawa na okey na okey lang ang relasyon nila sa pamilya ng isa’t isa. At sa tuwing dumadalo raw si Elmo sa family event nina Janella, ‘yon ay dahil invited nga siya.

Sinagot ‘yon ni Jenine sa Facebook page n’ya na dapat nang tumigil ang dalawa sa mga kasinungalingan nila. Hindi naman inilalagay ni Jenine ang pangalan ng mga pinatutungkulan n’ya pero alam ng fans nina Janella at Elmo na ang mga idolo nila ang pinariringgan ng ina ni Janella.

Nilinaw ni Jenine na maaaring may nangungumbumbida kay Elmo sa family event nina Janella—pero hindi ang mismong host ng event ang nag-imbita sa kanya kaya maituturing pa rin siyang “gatecrasher.”

May fans na nagsimula nang i-bash si Jenine dahil sa mga posting nito. May mga nanghuhusga na masamang ina si Jenine, walang malasakit sa anak, at parang ‘di nagdaan sa pagiging teenager.

“Don’t judge me!” very dramatic naman na sagot ni Jenine sa mga basher n’ya.

Isa pala sa mga nakasusubaybay sa mga posting ni Jenine ay ang Pinoy Broadway star na si Lea Salonga. Magkaibigan sila dahil nagkasama sila sa Miss Saigon sa London. Noon ngang tumigil na si Lea sa pagganap na title role na Kim, may isang season na si Jenine ang isa sa mga aktres na pumalit sa kanya.

Nag-comment si Lea sa shout-out ni Jenine.

“I am not judging you and I will not judge you,” pahayag ni Lea. Nilinaw din nitong naiintindihan n’ya ang kalagayan at mga kabalisaan ng isang ina.

May pumuna rin nga pala na nagtatanong kung bakit ‘di kumikibo si Pia Magalona para ipagtanggol ang anak n’yang si Elmo. Pero mabuti na ngang manahimik na lang si Pia. Kung sumali siya sa usapan, baka magkaroon talaga ng alitan ang dalawang pamilya. Baka magkabulgaran sila ng mga nagdaan sa buhay nila na ‘di na dapat pang ungkatin at mapagpiyestahan ng madla.

Kumita naman ang My Fairy Tail kaya todo-pasa na lang muna ang disgusto ni Jenine kay Elmo.

KITANG-KITA KO
ni Danny Vibas

About Danny Vibas

Check Also

Delia Razon Carla Abellana

Delia Razon pumanaw sa edad 94; Carla nagdadalamhati 

I-FLEXni Jun Nardo NAGLULUKSA ang Kapuso actress na si Carla Abellana sa pagpanaw ng kanyang lola at …

Mark Herras dinagsa ng trabaho kapalit ng sangkatutak na hater

SHOWBIZ KONEKni Maricris Valdez NAGPAPASALAMAT si Mark Herras sa mga hater dahil dumami ang trabaho niya simula …

Mia Pangyarihan Lito Alejandria WASSUP 2

Celebrity businesswoman Cecille Bravo suportado WASSUP Super Club ni Mamalits

MATABILni John Fontanilla SUPORTADO ng celebrity businesswoman  at vice president ng Intele Builders and Development …

Kim Chiu

Kim durog na durog sa DDS supporters 

MATABILni John Fontanilla NAGULAT ang aktres at It’s Showtime host na si Kim Chiu nang magalit sa kanya ang ilang …

Kim Chiu BIR

Kim Chiu pumalag idinamay sa isyu ni Duterte

MA at PAni Rommel Placente UMALMA si Kim Chiu sa maling interpretasyon at fake news tungkol sa …

Leave a Reply

Your email address will not be published. Required fields are marked *