Panaginip mo Interpret ko: Naunsiyaming kasal dahil maraming patay sa kabaong sa simbahan

Hello,

Ano nman ibig sabihin na panaginip na ikakasal ka na dpat kaso hindi ntuloy kasi may patay pa sa simbahan at maraming kabaong. From Gene Rhein 

To Gene,

Ang panaginip ukol sa kasal ay maaa­ring nagsasaad ng hinggil sa commitment, harmony o transitions. Ito ay nagpapakita rin na ikaw ay sumasailalim (o sasailalim) sa isang mahalagang kabanata sa iyong buhay. Ang panaginip mo ay posibleng nagsasabi rin ng pagsasama ng mga aspekto ng iyong pagkatao na noon ay magkakasalungat.

Tingnan ang mga katangian ng taong napanaginipan mo na iyong pakakasalan dahil maaaring kailanganin mong isama sa iyong pagkatao ang mga nasabing karakteristik.

Ang panaginip sa kasal ay simbolo rin ng bagong simula o pagbabago sa iyong kasalukuyang buhay. Ito ay repleksiyon ng ilang isyu o mga bagay-bagay hinggil sa commitment and independence. Alternatively, ang panaginip mo ukol sa kasal ay maaa­ring nagsasaad din ng ukol sa feelings of bitterness, sorrow, or death.

Ang ganitong mga panaginip ay kadalasang negative at nagha-highlight sa ilang usapin hinggil sa anxiety or fear.  Kung ikaw naman ay talagang nagpaplanong magpakasal, ito ay maaaring may kaugnayan naman o nagha-highlight lang sa stress ng pag-aayos ng isang kasalan.

Ang panaginip mo ay maaaring nagbabadya rin ng paparating na kaligaya­han na mararanasan tulad sa isang maa­yos at buong pamilya, na inaaasam nang lahat.

Ang bungang-tulog mo hinggil sa patay ay maaaring babala na ikaw ay naiimpluwensiyahan ng mga taong negatibo at ikaw ay nakikihalubilo sa mga maling grupo ng indibidwal. Ang ganitong uri ng panaginip ay maaari rin namang isang paraan upang maresobla ang mga nararamdaman sa mga namayapa na.

Alternatively, ang ganitong uri ng panaginip ay sumisimbolo sa material loss. Kung ang napanaginipan mong tao ay matagal nang namayapa, ito ay nagsasaad na ang kasalukuyang situation o relationship sa iyong buhay ay may pagkakahawig sa napanaginipan mong namayapa na. Maaa­r­ing may kaugnayan din ang iyong napanaginipan, kung paano mo iha-handle o hahawakan ang isang relasyon o kung paano mo hahayaang mamatay o magtapos na ito.

Posible rin namang ang ganitong panaginip ay nagre-represent ng iyong takot na muling mawala ang mahal sa buhay, o kaya naman, isang paraan upang matanggap ang trahedyang ito o mga trahedyang nararanasan sa buhay. Señor H.