HATAW! D'yaryo ng Bayan hatawtabloid.com
HINDI naman masisira ang love team nina Xian Lim at Kim Chiu, kahit na ang actor ay pumirma na ng management contract sa iba. Pero napansin lang namin, may pelikula ngayon si Kim na isang comedy na ang leading man ay si Ryan Bang.
Ewan kung totoo ang naiisip namin, pero kung magki-click ang proyektong iyan, baka nga pagawin na nila ng maraming comedy si Kim at hindi na niya maging leading man si Xian.
Sa pananaw naman ng mga manager ni Xian, hindi rin naman sila umaasa sa love team, dahil kasama na agad si Xian sa pelikulang ginagawa ni Sarah Geronimo. Palagay namin matagal na rin namang plano iyan dahil hindi naman siya basta isinaksak na lang sa pelikulang iyon.
HATAWAN!
ni Ed de Leon
