HATAW! D'yaryo ng Bayan hatawtabloid.com
ISANG mabuting regalo ang Overseas Filipino Bank (OFB) para sa overseas Filipino workers (OFWs) ganoon din sa ekonomiya n gating bansa.
Dating Postal Bank ang OFB na minabuti ni Pangulong Rodrigo “Digong” Duterte na gawing banko ng OFWs.
Sa kasalukuyan, nagpapadala ang mga kababayan nating OFWs sa kanilang pamilya sa pamamagitan ng banko, door-to-door o kaya ay sa iba’t ibang money remittance center.
Lahat ito ay dapat na pumasok at dumaloy patungo sa kanilang pamilya sa pamamagitan ng OFB.
Mangyayari lang ito kung maliit ang service fee na sisingilin ng OFB at kung sila ay isang banko na masasandalan ng mga OFW.
Pero kung mas mahal pa sila sa umiiral na presyo sa mga kasalukuyang money remittance center, malamang mabigo si Pangulong Digong sa kanyang layunin na pagaanin ang buhay ng pamilya ng OFWs.
Mas makabubuti rin kung lahat ng transaksiyon ng OFWs ay sa OFB na idaan gaya ng pagbabayad ng insurance, matrikula, bayarin sa bahay (kung hinuhulugan pa), koryente, tubig at ganoon din kung kinakailangan nilang umutang kapag naglalakad ng kanilang mga kinakailangang dokumento.
Sana’y maging bago na nga ang mukha ng dating Postal Bank.
Maisakatuparan sana ang layunin na serbisyong totoo para sa mga OFW.
CONGRATULATIONS
ASSEC MOCHA USON
GINAWARAN ng UST Alumni Association Inc. (UST-AAI) ng Thomasian Alumni Award si Communications Assistant Secretary Margaux “Mocha” Uson pero hindi naging katanggap-tanggap sa ibang alumni.
Hindi lang mga alumni, inulan din ng protesta sa social media ang nasabing pagkilala para kay Mocha.
Si Assec. Mocha raw ay pinagmumulan ng fake news dahil sa kanyang blog.
Pero ayon sa UST-AAI ang “sole criteria” ng isang awardee for government service ay dapat na nagtapos sa UST at empleyado ng gobyerno.
Anyway, ang tanong lang naman dito, babawiin ban g UST-AAI ang kanilang pagkilala?!
Isosoli ba ito ni Assec. Mocha?!
E paano kung hindi?!
Sorry guys, eat your heart out.
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
