HATAW! D'yaryo ng Bayan hatawtabloid.com
NANINIWALA si Senadora Cynthia Villar, nakasalalay ang political career ni PNP chief, Director General Ronald Bato Dela Rosa sa magiging performance niya sa Bureau of Corrections sakaling maging hepe o director ng BuCor.
Ayon kay Villar, kung may plano si Dela Rosa na tumakbong senador sa susunod na halalan, dapat pagbutihin niya ang trabaho at maresolba ang matagal nang problema sa drug operation sa loob ng New Bilibid Prison.
Naniniwala si Villar na alam ni Bato ang problema sa BuCor kaya siya ang napili ni Pangulong Rodrigo Duterte kapag natapos na ang kanyang termino sa PNP.
Hindi makapagbigay ng pahayag ang senadora kung mareresolba ni Dela Rosa ang drug operation sa loob ng Bilibid na pinatatakbo ng bigtime drug lords.
Dagdag ni Villar, nakasalalay mismo kay Bato kung mapupuksa niya ang drug traders sa NBP at dito rin aniya nakasalalay ang kanyang political career base sa kanyang magiging performance.
(CYNTHIA MARTIN)
