HATAW! D'yaryo ng Bayan hatawtabloid.com
MARAMI ang humahanga kay Coco Martin. Muli kasi niyang binuhay ang mundo ng action sa pamamagitan ng kanyang teleseryeng napapanood mula Lunes hanggang Biyernes, ang FPJ’s Ang Probinsyano sa ABS-CBN at ang entry niya sa Metro Manila Film Festival 2017, ang Ang Pandayna mapapanood na sa December 25.
Halos wala na kasing nagpo-prodyus ng action movies simula noong nagkaroon ng mga pekeng CD. Sino pa ng aba ang magpo-prodyus ng mga pelikulang aksiyon kung bago ipalabas sa mga sinehan ay nauuna pang lumabas sa mga bangketa.
Mabuti at malakas ang loob ni Coco, nilabanan ang mga sindikatong kumokopya ng pelikula. Kung hindi kay Coco, baka wala ng aksiyon-drama sa telebisyon dahil na-invade na ng mga kabaklaang istorya.
Ang iba namang palabas sa TV ay walang kalatoy-latoy na halos simula pa lamang ay alam mo na ang kahihinatnan ng istorya..
Nagbubunyi rin ang mga dating artista na ngayon ay napapanood muli sa pamamagitan ng teleserye ni Coco. Gayundin ang mga stuntman na naging masigla muli ang mga karera.
Dahil dito, si Coco ang itinuturing nilang makabagong Santa Claus.
MAINE, HINDI
PLASTIKADA
MAY mga nagkokomento na nalulunod sa kasikatan si Maine Mendoza. Hindi raw nito alam kung paano haharapin ang mga imposibleng kahilingan ng fans.
Hindi kasi sanay si Maine na magkunwari lalo’t isang katangian ng dalagang Bilakenya ang maging tapat sa kapwa.
Relihiyosa ang pamilya ng mga Mendoza sa Bulakan, lalo na ang tiyahin niyang naging Gobernadora ng Bulakan, si Kgg. Josie Dela Cruz.
Ayaw magsinungaling ni Maine kaya nagsabi ng totoo sa tunay na relasyon nila ni Alden Richards. Ang problema, nakalimutan ni Maine na nasa daigdig siya ng kaplastikan, ang showbiz.
Dapat niyang malaman na walang nagsasabi ng totoo sa mga artista. Ang dapat malaman ni Maine na ang mundong kanyang ginagalawan ay puro pagkukunwari. Dapat maging mahinahon siya.
Dapat din niyang tandaan na kung hindi sa mga tagahanga, wala siya sa kinalalagyan niya ngayon.
BOOBAY, BINIGYAN
NG TV ANG ISANG
TAGA-BAGUIO
MARAMI ang pumupuri sa komedyanteng si Boobay na discovery ni Ate Gay sa isang comedy bar sa Baguio City.
Noong mag-guest si Boobay sa Celebrity Bluff, nalaman niyang mahirap lang ang isang contestant na wala man lamang television sa bahay nila sa Mindanao. Kaya namana ng ginawa nito, binigyan niya ng perang pambili ng TV.
Ganoon pala kalambot ang puso ni Boobay sa mga mahihirap.
No wonder, super pagmamahal naman ang bigay sa kanya ni Marian Rivera buhat nooong magkasama sila. Nagustuhan ni Marian ang pagiging mabuting tao ni Boobay.
SHOWBIG
ni Vir Gonzales
