2 wanted na abusado arestado

NASAKOTE ng mga pulis ang dalawang wanted sa kasong attempted rape at child abuse sa magkahiwalay na lugar sa Valenzuela City, kamakalawa.

Ayon kay Valenzuela police chief, Sr. Supt. Ronaldo Mendoza, dakong 4:00 pm nang arestohin ang suspek na si Ronell Ibañez, 27, sa Bagong Nayon St., Brgy. Bagbaguin, ng mga tauhan ng Warrant and Subpoena Section (WSS) at PCP-1, sa pangunguna nina SPO3 Beringuel at SPO4 Festejo, sa bisa ng warrant of arest na inisyu ni Hon. Orven Kuan Ontalan, presiding Judge ng Valenzuela City RTC Branch 285, dahil sa kasong attempted rape.

Samantala, dakong 10:30 am nang arestohin ng mga pulis sa pangunguna ni SPO4 Jose Ricky Colibao, ang suspek na si Diosdado Ayson, 29, residente sa Compound 2, Sitio Kabatuhan, Brgy. Gen. T. De Leon, sa Star Apple St., Brgy. Santolan, sa bisa ng warrant of arrest na ipinalabas ni Presiding Judge Nancy Rivas-Palmones ng Valenzuela City RTC Branch 172, dahil sa kasong paglabag sa Republic Act 7610 o Anti-Child Abuse Law. (ROMMEL SALES)