HATAW! D'yaryo ng Bayan hatawtabloid.com
ISANG magandang ehemplo ang ipinamalas ng isang Immigration Officer (IO) sa airport nang isauli niya sa mga kinauukulan ang US$1,900 na kanyang natagpuan sa kanyang counter sa terminal 3 ng Ninoy Aquino International Airport (NAIA) nitong nakaraang September 7.
Si IO Reimond Abegail Lagman na noon ay naka-duty sa kanyang counter bilang “officer of the day” ay nagulat matapos makita ang isang envelope na naglalaman ng 19 piraso ng $100.
Hindi nagdalawang-isip ang IO at agad isinauli ang kanyang natagpuan sa mga opisyal ng airport.
Dahil dito ay agad pinuri ni BI Commissioner Jaime Morente ang magandang ipinamalas ng batang IO.
Ayon sa BI Commissioner, ipinagmamalaki niya na marami pa rin ang mga empleyado sa Bureau na gaya ni IO Lagman na tapat sa tungkulin at hindi basta nasisilaw sa salapi.
Kahit pa nga dumaranas ng ibayong hirap dahil sa kakulangan ng kita.
Pinangaralan noong nakaraang Lunes si IO Lagman matapos ang flag raising ceremonies ng ahensiya.
Congratulations, IO Reimond Abegail Lagman!
Mabuhay ka, iho!!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
